Almaty turǵynyna qaraqshylyq shabýyl jasaǵan ońtústikqazaqstandyq eki azamat qolǵa tústi

Bul týraly búgin elordadaǵy baspasóz máslıhatynda QR Іshki ister mınıstrliginiń resmı ókili Qýanyshbek Jumanov málim etti.

«Almatynyń polıtsııa qyzmetkerleri ótken jyldyń tamyz aıynda jergilikti turǵynǵa qaraqshylyq shabýyl jasaǵany úshin OQO-nyń 20 jastaǵy eki turǵynyn ustady. Bastapqy derekter boıynsha kúdiktilerdiń er adamǵa qalanyń kósheleriniń birinde shabýyl jasaǵandary anyqtaldy. Olar tapanshamen qorqytyp, aqsha men quny 130 myń teńge turatyn uıaly telefondy urlap ketken. Qazirgi ýaqytta ustalǵandardyń osyǵan uqsas ashylmaǵan qylmystarǵa qatystylyǵy tekserilýde», - dedi resmı ókil.

Q.Jumanovtyń atap ótýinshe, apta ishinde 1849 qylmys jasalyp, onyń ishinde 1387-siniń «izi sýymaı» áshkerelense, sondaı-aq buryn jasalǵan 344 qylmys ashylǵan. 131 qylmys jasaǵan kúdikti tabylyp, 6 qarý tárkilengen.