Almaty turǵynyn qınap óltirdi degen kúdikpen 24 jastaǵy er adam qolǵa tústi
TALDYQORǴAN. QazAqparat - Almaty oblysynda 24 jastaǵy azamat adam óltirdi degen kúdikpen ustaldy. Qazir ol ýaqytsha ustaý ızolıatoryna qamaldy, - dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, 16 mamyr kúni Іle aýdanynyń polıtsııasyna jergilikti turǵyndardan qońyraý túsken. Oqıǵa ornyna jetken tártip saqshylary adam ólimine baılanysty jedel-izdestirý sharasyn uıymdastyrǵan. Іstiń izin sýytpaı 24 jastaǵy azamat ustalǵan. Arnaıy dálelderden keıin ol adam óltirgenin moıyndap, múrdeni qaıda jasyrǵanyn kórsetken.
«Qazir atalǵan fakti QR Qylmystyq kodeksiniń 99 baby 1 bóligi ıaǵnı, «Adam óltirý» boıynsha arnaıy bazaǵa tirkeldi» - deligen vedomstvonyń aqparatynda.
Polıtsııanyń aqparatyna sáıkes, qınap óltirilgen azamat Almaty qalasynyń 31 jastaǵy turǵyny ekeni anyqtaldy. Qazir atalǵan qylmystyq is boıynsha sot-aldy tergeý júrgizilip jatyr.
