Almaty turǵyny zırattyń sanıtarlyq jaǵdaıyna shaǵymdandy
ALMATY. QazAqparat – Almaty turǵyny Túrksib aýdanyndaǵy zırattardyń birine baryp, onyń sanıtarlyq jaǵdaıyna shaǵymdandy, dep habarlaıdy QazAqparat tilshisi.
Almatylyq Facebook paraqshasynda Bekmahanov kóshesi boıyndaǵy zırat aýmaǵy qoqysqa tolyp jatqanyn aıtyp, ony tazartýdy surady.
«Almaty mamandandyrylǵan jerleý qyzmet kórsetý kombınaty» JShS Túrksib aýdanynda ornalasqan «QazSelhozTehnıka» (zırat) kirme joldary qoqystan únemi tazartylatynyn jetkizdi.
Zırat aýmaǵyn kezekti tazalaý 2022 jyldyń sáýir aıynyń sońynda júrgiziledi.
«Zırattardy jobalaýǵa jáne kútip-ustaýǵa qoıylatyn sanıtarlyq-epıdemıologııalyq talaptar» týraly sanıtarlyq erejeler men normalarǵa sáıkes, zırattyń jan-jaǵyn máıitti jerleýdi júzege asyrǵan azamattar men uıymdar tazalaý kerek. Sonymen qatar, jóndeý jumystaryn da óz esebinen júrgizýi kerek. Seriktestik jalpy paıdalaný aýmaǵynda ǵana zırattardy tazartady, qoqystardy shyǵarady jáne apatty aǵashtardy kesedi», - dep jaýap berdi mamandandyrylǵan kombınattan.
