Almaty turǵyny jol erejesin buzyp, vıdeosyn jelige júktegen
ALMATY. QazAqparat - Ál-farabı dańǵylynda jol erejesin buzyp, vıdeosyn jelige júktegen jigit 1 jylǵa júrgizýshi quqyǵynan aırylýy múmkin. Bul týraly QazAqparat tilshisine qalalyq ІІD baspasóz qyzmetiniń basshysy Saltanat Ázirbek aıtty.
Onyń aıtýynsha, qazir atalǵan derek boıynsha is materıaldary ákimshilik sotqa berilgen.
«QR ÁqbK 4 pýnktyn buzǵany úshin ol aıyppul tóleýge májbúrlenýi múmkin. Al qarama-qarsy betke shyqqany úshin 6 aıǵa júrgizýshi quqyǵynan aırylady. Al eger buryn da osyndaı quqyqbuzýshylyq jasaǵan bolsa, onda 1 jyldan asa kólik aıdaýǵa tyıym salynady», - dedi Saltanat Ázirbek.
Sonymen qatar, polıtsııa qazir Instagram jelisindegi nelegal.kaz pablıgin jiti qadaǵalaýdy qolǵa aldy.
«Polıtsııa bul pablıkti qadaǵalaýdy qolǵa aldy. Atalǵan paraqshada 85 vıdej, 89 foto qaraldy. 5 ákimshilik hattama toltyryldy1, - dedi ІІD resmı ókili.
