Almaty turǵyny: Joǵary saıası belsendilik – bıylǵy saılaýdyń basty kórsetkishi
«Meniń oıymsha, saılaý demokratııalyq negizde ótedi jáne óz kandıdatýralaryn usynǵan barlyq saıası partııalarǵa, olardyń saılaý aldyndaǵy ókilettikterin iske asyrý úshin barlyq múmkindikter beriledi, ıaǵnı olar halyqpen kezdesip, BAQ-ta jer máseleleri, el ómiri, eldiń ishki saıası ómiri boıynsha óz usynystaryn ashyq bildire aldy. Saılaý jáne basqa da protsester uıymdasqan túrde, tıisti deńgeıde ótýde», - dedi Ahan Bıhanov.
Sonymen qatar, ol halyq arasyndaǵy joǵary saıası belsendilikti atap ótti.
«Aldyńǵy saılaýlardan aıyrmashylyǵy, eń aldymen, saıası partııalar aıtarlyqtaı jandandy, olar turǵylyqty jeri boıynsha halyqpen eńbek ujymdarymen óz jumystaryn belsendi júrgizýde, BAQ-da belsendi túrde shyǵyp, óz baǵdarlamalaryn tanystyrýda, ıaǵnı saıası partııalardyń belsendiligi seziledi, bul bizdiń elimizdegi demokratııa men partııalyq júıeniń damýynyń taǵy bir dáleli. Bizdiń qalamyzdyń halqy, meniń oıymsha, búkil saılaý protsesine belsendi túrde qosyldy jáne barlyq azamattar konstıtýtsııalyq quqyǵyn iske asyryp, úmitkerlerge óz daýsyn beredi», - dep atap ótti ol.
Partııa qurý tártibindegi ońaılatý saıası ómirdi jandandyrýda jáne azamattardyń ıdeıalaryn iske asyrýda da ról atqarady. Bıjanov bul keńeıtýlerdi - memlekettiń ýaqytpen birge qatar enýi dep sanaıdy.
«Partııa qurýdy jeńildetý meniń oıymsha, bul bizdiń zań shyǵarýshylarymyzdyń durys quqyqtyq is-áreketteri jáne el basshylyǵy ýaqyt talaptaryna sáıkes óte durys áreket etedi, óıtkeni qazirgi ýaqyttyń sharttary jedeldikti talap etedi. Meniń oıymsha, jańa normalar zaman talabyna sáıkes keledi», - dep qorytyndylady qalalyq Ardagerler keńesiniń tóraǵasy Ahan Bıjanov.
