Almaty turǵyny jalǵa alǵan avtokólikterdi satyp jibergen (FOTO)
ALMATY. QazAqparat - Almaty qalasynyń Túrkisib aýdanynda jalǵa alǵan jáne lombardtarǵa kepilzat retinde ótkizgen avtokólikterdi satýmen aınalysqan degen kúdikpen 26 jastaǵy azamat ustaldy.
Bul týraly búgin Almaty q. ІІD baspasóz qyzmetinen habarlady.
Tergeý derekteri boıynsha 26 jastaǵy Artem Hvan ózi ýaqytsha jalǵa alǵan avtokólikterdi satýmen aınalysqan. Keı jaǵdaıda lombardtarǵa kepilzat retinde ótkizilgen avtokólikter de kezdesedi. Kúdikti olardy alýshylarǵa naryq baǵasynan edáýir arzanǵa satýǵa ýáde bergen.
«Bir qyzyǵy, bul eki jaǵdaıda da kúdikti kólik quraldaryn qujatsyz-aq satyp júrgen. Endi tergeý barysynda onyń alaıaqtyq áreketteri tolyǵymen áshkerelenetin bolady. Qazir, ustalǵan azamattyń úsh alaıaqtyq áreketke qatysy barlyǵy dáleldendi.
Bir ókinishtisi, keıbir ańqaý satyp alýshylar oǵan avtokólik baǵasynyń tolyq somasyn tólegen. Qazir Hvan qamaýǵa alyndy jáne onyń basqa da osyndaı qylmystarǵa qatysy bary-joqtyǵy tekserilip jatyr. Sotqa deıingi tergeý barysynda jábirlenýshilerdiń sany artýy múmkindigin joqqa shyǵarýǵa bolmaıdy, - dedi osyǵan oraı Almaty qalasy Túrkisib aýdandyq ІІB janyndaǵy polıtsııa bóliminiń bastyǵy, polıtsııa kapıtany Bolat Totybaev.
Sonymen qatar Túrkisib aýdandyq ІІB Artem Hvannyń alaıaqtyq áreketterinen zardap shekken jáne ony tanyǵan azamattar bolsa, myna telefon nómirlerine habarlasýlaryn suraıdy: 298-54-60 jáne 298-54-61.
