Almaty turǵyny saıabaqtaǵy oryndyqty buzyp, úıine alyp ketken
ALMATY. QazAqparat – Almatyda er adam úıin jylytý úshin saıabaqtaǵy oryndyqtyń aǵashtaryn bólshektep, alyp ketken, dep habarlaıdy QazAqparat tilshisi.
Facebook qoldanýshylarynyń biriniń jazýynsha, oqıǵa Alataý aýdanynyń Qarasý shaǵyn aýdanynda bolǵan. Jas jigit jańadan salynyp jatqan saıabaqtaǵy oryndyqty bólshektep, úıine alyp ketken.
«Bizdiń qoǵamda ne bolyp jatyr? Úsh jyldan beri Qarasý turǵyndary kóldi tazalap, saıabaq saldyrýǵa baryn saldy. Ne úshin? Bir adam peshine ot jaǵýǵa bir túnde oryndyqty bólshektep alyp ketý úshin be?», - dep jazǵan post avtory quqyq buzýshymen áńgime barysynan vıdeony qosa jarııalaǵan.
Óz kezeginde qalalyq Polıtsııa departamenti kúdiktiniń ustalǵanyn habarlady.
«Kúdikti ustaldy. Ol 1992 jyly týǵan Ý. esimdi jergilikti turǵyn. Ol óz kinásin tolyq moıyndady. Atalǵan fakti QR Qylmystyq kodeksiniń 188-baby boıynsha sotqa deıingi tergeýdiń biryńǵaı tizilimine tirkeldi», - dep habarlady Almaty qalalyq Polıtsııa departamentiniń baspasóz qyzmetinen.
