Almaty turǵyny páterinde 30 shaqty mysyqty asyraǵan

ALMATY. QazAqparat - Páterinde 30 mysyq asyraǵan almatylyq áıel ákimshilik jaýapkershilikke tartyldy, dep habarlaıdy QazAqparat tilshisi.

Á. Sháripov kóshesiniń turǵyndary ákimdikten kórshilerine qolaısyzdyq týdyrǵan áıelge qatysty shara qoldanýdy ótingen.

Almaly aýdany ákimdiginiń ókilderi veterınarlyq -sanıtarlyq qyzmetpen birge atalǵan mekenjaıǵa bardy. Mamandar mysyqtardy aýlap, páterdi turmystyq qaldyqtardan tazartty.

Qalalyq Polıtsııa departamenti málim etkendeı, almatylyq áıel mysyqtardy asyraý jáne serýendetý erejelerin buzǵany úshin QR Ákimshilik quqyq buzýshylyq týraly 408- baby boıynsha jaýapqa tartyldy.

Zańda bul bap boıynsha quqyqbuzýshyǵa eskertý nemese úsh aılyq eseptik kórsetkish (8 751 teńge) mólsherinde aıyppul qarastyrylǵan.