Almaty turǵyny páter jaldap, ony esirtki jasaıtyn zerthanaǵa aınaldyrǵan

ALMATY. QazAqparat - Almaty polıtsııa qyzmetkerleri esirtki zerthanasyn anyqtady, dep habarlaıdy QazAqparat tilshisi.

Polıtsııa departamentiniń málimetinshe, zańsyz kásipti 27 jastaǵy almatylyq uıymdastyrǵan.

Ol kórshi úıden páter jaldap, sıntetıkalyq esirtkini sol jerde daıyndaǵan.

«Arnaıy is-sharany bizdiń bólimniń qyzmetkerleri qyzmettik-izdestirý ıtpen birge ótkizdi. Sh. esimdi azamattyń negizgi turǵylyqty jeriniń janynda ornalasqan jaldamaly páterin tintý kezinde «mefedron» sıntetıkalyq esirtkisin óndirýge arnalǵan komponentter men jabdyqtar tárkilendi. Sot-hımııalyq saraptama tárkilengen zattardyń psıhoaktıvti zattarǵa jatatynyn rastady», – deıdi Almaty qalalyq polıtsııa departamenti esirtki qylmysyna qarsy kúres basqarmasynyń bastyǵy Erlan Almaǵambetov.

Kúdikti qylmystyq jaýapkershilikke tartylyp, polıtsııa departametiniń ýaqytsha ustaý ızolıatoryna qamaldy.

Sotqa deıingi tergeý júrip jatyr.