Almaty turǵyny oq-dárilerdi satý barysynda ustaldy
ASTANA. QazAqparat - Polıtseıler QR Ulttyq qaýipsizdik komıtetiniń qyzmetkerlerimen birlesip, oq-dáriler men jarylǵysh zattar saýdasyna qatysy bar degen kúdikpen 28 jastaǵy azamatty ustady. Ol Almaty qalasynyń turǵyny, dep habarlaıdy QazAqparat.
«QR Ulttyq qaýipsizdik komıtetiniń qyzmetkerlerimen birlesken jedel-izdestirý is-sharasy barysynda Almaty oblysynyń Іle aýdanynda oq-dáriler satý kezinde 28 jastaǵy Almaty qalasynyń turǵyny ustaldy. Odan ártúrli kalıbrli 250 patron, F-1 granatasy, detonatorlar, serippeler men jarylǵysh zattarǵa qosymsha bólshekter tárkilendi. Atalǵan fakti boıynsha QR Qylmystyq kodeksiniń 287-babynyń 3-bóligimen kózdelgen sotaldy tergeý bastaldy. Kúdikti QR Qylmystyq-protsessýaldyq kodeksiniń 128-babyna sáıkes ustaldy»,- dep habarlady Almaty oblystyq polıtsııasynyń baspasóz qyzmetinen.
