Almaty turǵyny nómirin satyp jibergeni úshin «Kcell»-di sotqa berip, jeńiske jetti
ALMATY. QazAqparat - Almaty turǵyny nómirin zańsyz satyp jibergeni úshin «Kcell» AQ-ny sotqa berip, sotta jeńiske jetti, dep habarlaıdy QazAqparat tilshisi.
Almaly aýdandyq sotynda qaralǵan is materıaldaryna sáıkes, er adam 2017 jyly naýryzda «Kcell» kompanııasynan VIP nómir satyp alǵan.
19-maýsymda ol kompanııaǵa nómirin qaıta qalpyna keltirý týraly aryz jazǵan.
Alaıda, onyń aryzyn «Kcell» kompanııasy qabyldamaı, bul nómirdiń basqa bireýge satylyp ketkenin aıtqan.
Keıin anyqtalǵandaı, onyń nómirin Oral qalasyndaǵy bóten adam satyp alyp, Beeline operatoryna aýystyryp alǵan.
Іsti qaraý barysynda sot qoltańbalyq saraptama taǵaıyndady. Nátıjesinde 8-tamyzdaǵy nómirdi basqaǵa aýystyrý týraly aryzda jábirlenýshiniń qoly jalǵan ekeni anyqtalǵan.
Sonymen qatar, jábirlenýshiniń 2017 jyldyń tamyzynda Oral qalasynda bolmaǵany belgili boldy.
Osylaısha Almaly aýdandyq sotynyń sýdıasy jábirlenýshiniń nómirin basqa adamnyń atyna qaıta tirkeý týraly qujatty jaramsyz dep tapty.
