Almaty turǵyny qyzylordalyq polıtseılerge alǵys aıtty
QYZYLORDA. QazAqparat - Qyzylordalyq polıtseıler jolda qalyp qoıǵan júk kóliginiń júrgizýshilerine qolushyn sozdy. Elimizdiń ishki ister mınıstrligine olardyń atyna alǵys haty kelip tústi, dep habarlaıdy QazAqparat tilshisi.
Oqıǵa bıylǵy jyldyń 1 qarashasynda bolǵan. Sol kúni «Samara-Shymkent» trassasynyń 1688-shaqyrymynda jol jıeginde «HOWO» júk kóligi buzylyp, toqtap qaldy. Júk kóligi Aqtóbeden Almatyǵa bet alyp bara jatqan bolatyn.
Sol sátte oblystyq polıtsııa departamentiniń patrýl polıtsııa rotasynyń ınspektorlary Nurmuhanmed Musalımov pen polıtsııa aǵa leıtenanty Qaırat Seıit jol boıynda patrýldeý baǵytynda jumysta júrdi.
Tártip saqshylary kóp oılanbastan kóligi buzylǵan jolaýshyǵa kómekke keldi. Avtokólikti Qarmaqshy aýdanyndaǵy ІІІ Internatsıonal eldi mekeniniń janyndaǵy «Aqsaraı» keshenine evakýatsııalaýǵa kómek kórsetti.
Sol jerde jolaýshylarǵa tamaq jetkizip beredi. Qazirgi ýaqytta avtokólik atalǵan keshende jóndeýde tur. Jóndelgennen keıin ony kólik ıesi alyp ketedi. Jolaýshylar odan keıin oblys ortalyǵyna jetkizilip, Almaty qalasyna jolǵa shyqqan.
Almaty turǵynynyń jubaıy kúıeýine qıyn sátte qolushyn sozǵan polıtseılerge alǵysyn bildirip, elimizdiń Іshki ister mınıstriniń atyna joldady.
Nurmuhanmed Musalımov polıtsııada 2014 jyldan beri qyzmet atqaryp keledi. Al Qaırat Seıittiń polıtsııa qyzmetine kelgenine bıyl segiz jyl toldy.
