Almaty turǵyny burynǵy áıelin kólikpen basyp ketti
ALMATY. QazAqparat - Almatyda er adam burynǵy áıelin kólikpen basyp ketti, dep habarlaıdy QazAqparat tilshisi.
Oqıǵa 17 maýsym kúni keshke bolǵan. Jedel-járdem men polıtsııany Jetisý aýdanynyń turǵyndary shaqyrdy.
Qalalyq polıtsııa departamenti málimetinshe, burynǵy kúıeýine jas kelinshek ózi kelgen.
«Ol kúıeýinen kólikti turaqqa deıin aıdap barýdy ótingen. Er adam rýlge otyrǵan kezde, áıel qozǵalyp bara jatqan kólikke otyrmaqshy bolǵan. Sol kezde ony kólik basyp ketken. Sonymen qatar, er adamnyń mas bolǵany jáne júrgizýshi kýáligi joq ekeni anyqtaldy», - dep habarlady polıtsııadan.
Polıtsııa atalǵan derek boıynsha tekserýdi bastady.
