Almaty turǵyny áıelin pyshaqtap óltirdi degen kúdikke ilindi

ALMATY. QazAqparat - Almatyda otbasylyq janjal kezinde kúıeýi áıelin pyshaqtap óltirdi, dep habarlaıdy QazAqparat tilshisi.

Almaty qalalyq polıtsııa departamentiniń málimetinshe, otbasylyq janjal kezinde pyshaq jaraqatynan 34 jastaǵy áıel kóz jumǵan.

«Kisi óltirdi degen kúdikpen onyń kúıeýi iz sýytpaı ustaldy. Qylmys quraly bolǵan pyshaq dálel retinde alyndy. QR QK 99-baby 1-bóligi boıynsha sotqa deıingi tergep-tekserýdiń biryńǵaı tiziliminde tirkelgen qylmystyq is materıaldaryna qosa tirkeldi»,- dedi Naýryzbaı aýdandyq polıtsııa basqarmasynyń bastyǵy Dıdar Ahanov.

Kúdikti ýaqytsha ustaý ızolıatoryna qamaldy.

Buǵan deıin Almaty oblysynyń polıtseıleri áıelin óltirip, denesin úlken Almaty kanalyna laqtyryp jibergen kúdiktini ustaǵan bolatyn.