Almaty turǵyny alaıaqqa 23 myń dollardan astam qarjysyn ustata salǵan
ALMATY. QazAqparat - Almatyda ózin bıznes-bapkermin dep tanystyrǵan Pavel Krymov esimdi adamnyń birqatar qylmysqa qatysy bolýy múmkin. Almaty polıtsııasy birqatar alaıaqtyq faktilerin tekserý barysynda onyń esimin basty kúdikti retinde atap otyr, dep habarlaıdy QazAqparat tilshisi.
Pavel Krymov adamdarǵa ózin bıznes keńes berýshi, belgili kompanııaǵa jetekshilik etýshi retinde tanystyrǵan. Qalalyq ІІD baspasóz qyzmeti búgingi tańda alaıaqtyń qurbandarynyń sany 5-ke jetkenin málimdep otyr.
ІІD málimetine súıensek, P.Krymov qurbandaryn trenıngke shaqyryp, alyp san soqtyryp ketip otyrǵan.
«Máselen, sotqa deıingi tergeý amaldarynyń ishindegi bir epozıdttyń birin saraptaý barysynda K esimdi azamattyń qalaı aldanyp qalǵanyn bilýge bolady. Ol qaladaǵy qonaqúılerdiń birine «tómen tabys» trenıngine qatysý úshin baryp, Krymovpen kezdesken. P.Krymov ózin «Questra World & Atlantik Global» kompanııasynyń negizin salýshymyn dep tanystyrǵan. Kompanııa bankrot jaǵdaıynda turǵan ózge kompanııalarǵa ınvestıtsııa salyp, keıin onyń aktsııasymen, reıtingi óskende tabysyn bólisedi dep sendirgen. K-men tanysqannan keıin bir aıdan soń Krymov taǵy da aýdıtorııa jınap, olardy óziniń jymysqy áreketin uıymdastyrmaq bolady. Trenıngten keıin, Krymov jábirlenýshimen josparlaryn bólisken bolyp, onyń senimine sirgen. Ol Almatyda óz kompanııasynyń fılıalyn ashqaly jatqanyn, sonyń aımaqtyq fılıalyna jetekshi bolýǵa shaqyrǵan. Ol úshin kompanııaǵa 23 500 dollar qarjy quıý kerek dep, aqshasyn alyp alǵan. Osydan keıin, Krymov jańa qyzmetke taǵaıyndaý máselesin demalystan kelgennen keıin sheshetinin aıtyp, iz-túzsiz joǵalyp ketken», - deıdi Almaty qalasynyń Tergeý basqaramasynan.
Quqyq qorǵaýshylar is boıynsha áli de tergeý jumystaryn jalǵastyryp jatyr. Polıtseıler Krymov Pavel Gennadevıchtiń is-áreketinen zardap shekkender bolsa, 8 (727) 254-43-79, 8-708-383-38-56 telefondaryna habarlasýdy suraıdy.
