Almaty turǵyny Afrıkadan bezgek juqtyryp keldi
ALMATY. QazAqparat - Almatyda bıyl bir adam Afrıkadan bezgek juqtyryp kelgen. Bul týraly qalalyq Densaýlyq saqtaý basqarmasynyń basshysy Serikbol Mýsınov alqanyń keńeıtilgen jınalysynda aıtty, dep habarlaıdy QazAqparat tilshisi.
"Bıyl Almatyda epıdemıologııalyq ahýal turaqty. Biraq jyl basynan beri syrttan juqpa əkelgen jaǵdaılar boldy. 10 adam Goadan tyrysqaq aýrýyn, al bir týrıst Afrıkadan bezgek juqpasyn alyp keldi. Sonymen qatar, gepatologııalyq aýrýlardyń sany artýyna baılanysty barlyq qajetti is-sharalar qolǵa alynǵan. Al tumaý juqpasynyń taralýynyń aldyn alý úshin tumaý juqpasyna qarsy 158 mln teńgege ekpe satyp alyndy",- dedi Serikbol Mýsınov.
