Almaty turǵyny 100 jemis aǵashyn zańsyz kesip tastaǵan
ALMATY. QazAqparat - Almatyda 100-den astam jemis aǵashy zańsyz kesildi, dep habarlaıdy QazAqparat tilshisi.
«Búgin Almaty qalasy boıynsha Ekologııa departamentiniń memlekettik ınspektorlary kezekti reıd júrgizip, onyń barysynda Medeý aýdanynda ornalasqan Observatorııa kóshesiniń boıyndaǵy 5/5 jer ýchaskesinde 102 jemis aǵashyn kesý faktisin anyqtady. Belgili bolǵandaı, ony Almaty turǵyny kesip tastaǵan. Oqıǵa ornyna jergilikti polıtsııa qyzmetiniń qyzmetkerleri men Almaty qalalyq Jasyl ekonomıka basqarmasynyń mamandary shaqyryldy», - dep habarlady Ekologııa departamentinen.
Qazirgi ýaqytta jergilikti polıtsııa qyzmetkerleri tártip buzýshyǵa qatysty ákimshilik sharalar qoldanýda.
