Almaty turǵyny 100 muqtaj adamǵa kúnde tegin tamaq taratady
Kúnine Aımanov - Jandosov kósheleriniń qıylysyndaǵy dúńgirshekke 16:00-17:00 arasynda 100-ge tarta zeınetker, turmysy tómen otbasylar, qańǵybastar keledi.
Jınalǵandar borş, palaý, bıdaı botqasyn taǵy basqa tamaqty demde taratyp alyp ketedi.
«Bıyl biz 100 portsııa taratyp jatyrmyz. Odan artyq bere almaımyz. Óıtkeni, azyq-túlikti bizge kómektesken demeýshilerdiń aqshasyna alamyz. Keıde 100 adamnan asyp ketedi. Sol kezde kelesi kúni kelýlerin suraımyz. Adamdar tamaqty 5-10 mınýtta alyp ketedi», - dedi Rasıma Temerbaeva.
On yń aıtýynsha, tegin tamaq ishýge qalanyń ár buryshynan adamdar keledi.
«Kóbinese 80-di alqymdaǵan qarııalar keledi. Biz adamdardyń eshqaısysyn qur qol qaıtarmaımyz. Biraq qańǵybastar mas kúıinde kelse olarǵa tamaq berilmeıdi. Adamdarǵa as berip, alǵysyn alǵan qandaı jaqsy. Bir qarııanyń qarny toısa, sonyń ózi men úshin úlken baqyt», - dedi Rasıma Temerbaeva.
Qaıyrymdy janǵa ıgi is jasaý úshin dostary men tanystary kómektesedi.