Almaty turǵyndarynyń 23% ımmýnıtet qalyptasty – Bekshın
ALMATY. QazAqparat - Almaty qalasy sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın onlaın brıfıngte megapolıs turǵyndarynyń 23 paıyzynda koronavırýsqa qarsy ımmýnıtet qalaptasqanyn aıtty, dep habarlaıdy QazAqparat tilshisi.
Onyń aıtýynsha, Almatyda qazir 23%-dy ımmýndy qabat qalyptasty. Halyqtyń 18%-y vaktsına aldy, 5%-y aýyryp jazylǵandar.
«Maýsym aıy bastalǵaly Almatyda koronavırýs juqpasynyń taraýy eki ese azaıdy. Sońǵy táýlikte koronavırýstyń 112 jaǵdaıy tirkeldi. Naýryz aıynda – 9,5 myń jaǵdaı, sáýirde 20 myńǵa deıin jetken. Qazir aýrýshańdyq deńgeıi tómendep, turaqtandy. Bul qalada koronavırýsqa qarsy júıeli túrde júrgizilgen jumystyń nátıjesi, onyń ishinde halyqty jappaı vaktsınalaý bar», - dedi Jandarbek Bekshın.
Sonymen qatar, ol halyqtyń 100 myńyna shaqqanda aýrý deńgeıiniń tómendeý qarqyny turaqty ekenin atap ótti.
«Sońǵy 7 kúnde 64,7-den 39,8-ge deıin azaıdy, reprodýktıvti san 0,79 deńgeıinde turaqtandy. Bul «jasyl aımaq» parametrlerine saı», - dedi ol.
