Almaty turǵyndarynyń 20 paıyzyn stýdentter quraıdy - Qazaqstan áleýmettanýshylar qaýymdastyǵynyń vıtse-prezıdenti
ALMATY. Mamyrdyń 24-i. QazAqparat /Erlik Erjanuly/ - Almatyda túrli deńgeıdegi oqý oryndarynda 264 myńnan astam stýdent pen 200 myńdaı oqýshy bilim alady.
Ony qala ákiminiń orynbasary, Qazaqstan áleýmettanýshylar qaýymdastyǵynyń vıtse-prezıdenti Serik Seıdýmanov mamyrdyń 21-22-si kúnderi Almatyda «Áleýmetik ınjenerııa fenomeni: tájirıbe jáne bolashaqty qaıta qurý» dep atalatyn halyqaralyq ǵylymı-tájirıbelik konferentsııada aıtty, dep habarlaıdy QazAqparat.
«Jastar kez-kelgen memlekettiń strategııalyq potentsıaly jáne bolashaqqa degen mindetti salymy. Bizdiń elimizdiń jas býyny táýelsizdiktiń qalyptasýy men nyǵaıýy, naryqtyq qaıta qurý jáne demokratııalyq reformalar kezeńinde qalyptasty. Sol sebepti jastar saıasaty salasyndaǵy máselelerdi sheshý mazmuny boıynsha qaǵıdalyq jańa jáne qazirgi jaǵdaıǵa saı ádisterdi qajet etedi. Joǵary jáne orta-arnaýly bilim berý mekemeleriniń negizgi júıesi Almatyda shoǵyrlanǵan. Munda 49 joǵary oqý orny, 5 áskerı-mamandandyrylǵan ınstıtýt, 69 kolledj ben 11 kásiptik-tehnıkalyq lıtseı jumys jasaıdy», deıdi Almaty qalasy ákiminiń orynbasary, Qazaqstan áleýmettanýshylar qaýymdastyǵynyń vıtse-prezıdenti Serik Seıdýmanov. Áleýmettik ǵylymdar doktorynyń aıtýynsha, qazirgi tańda Almatydaǵy oqý oryndary, kásiptik-tehnıkalyq lıtseıler men kolledjderde 264 myńnan astam stýdent bilim alyp jatyr. Olardyń 117 myńǵa jýyǵy joǵary, 69 myńy orta-arnaýly oqý oryndarynda kúndizgi bólimde oqıdy. Resmı statıstıka boıynsha stýdentter qala turǵyndarynyń 20 paıyzyn quraıdy. Oǵan 6 men 17 jas aralyǵyndaǵy 200 myńǵa jýyq oqýshyny qosatyn bolsaq Almatyny jastar qalasy dep aıtýǵa tolyq negiz bar.
