Almaty turǵyndarynan oıynhanalardyń zańsyz jumys isteıtindigi týraly 47 aqpar kelip tústi
ALMATY. Qarashanyń 3-i. QazAqparat /Ernar Beken/ - Almatyda «Oıyn bıznesine jol joq» aktsııasynyń aıasynda qala ákimdiginiń senim telefonyna jáne resmı veb-saıtynyń poshta jáshigine zańsyz jumys isteıtin oıyn zaldary týraly 47 habarlama kelip túsken.
Turǵyndardyń osyndaı aqparlary Іshki ister departamenti men ekonomıkalyq qylmys jáne sybaılas jemqorlyqqa qarsy kúres departamentine jiberildi, dep habarlaıdy QazAqparat Almaty ákimdiginiń baspasóz qyzmetine silteme jasap.
Shahardyń Іshki ister departamentiniń derekteri boıynsha, 2009 jyldyń 6 qazany men 30 qazany aralyǵynda ІІD jáne prokýratýra qyzmetkerleri birlesip jasyryn oıynhanalardy anyqtaý boıynsha birqatar jedel tergeý is-sharalaryn júrgizdi.
Júrgizilgen jumystar sheńberinde birqatar oıynhanalar áshkerelenip, tárkilengen aqsha men oıyn apparattary arnaıy qoımalarǵa ornalastyryldy. Qazaqstan Respýblıkasynyń «Oıyn bıznesi týraly» zańyn buzý faktileri boıynsha materıaldardy prokýratýra sotqa tapsyrdy.
Almaty qalasynyń ákimdiginde senim telefony jáne ákimdiktiń veb-saıtynda elektrondyq poshta jáshigi turaqty jumys isteıdi. Zańsyz jumys isteıtin oıyn zaly týraly habary bar kez-kelgen turǵyn sol meken-jaılarmen baılanysa alady.
Osy oraıda, Almaty ákimdigi oıynshylarǵa utysty aqshalaı túrde beretin oıynhanalar týraly aqparattardy tómendegideı meken-jaımen baılanysyp, berýge bolatyndyǵyn habarlaıdy - senim telefony: 250-78-14, elektrondyq poshta: avtomat@a-a.kz
