Almaty turǵyndaryna selden keler qaýip joq – TJK
ALMATY. QazAqparat – Almaty turǵyndaryna selden keler qaýip joq. Qarǵaly ózeniniń sýy ádettegideı aǵyp jatyr. Bul týraly QR ІІM Tótenshe jaǵdaılar komıteti málimdedi, dep habarlaıdy QazAqparat tilshisi.
Áýeden barlaýdyń sońǵy derekteri boıynsha, №1 kólindegi sý deńgeıi 6-7 metrge túskeni anyqtaldy. Aǵyp shyqqan sý kólemi 20 - 25 myń tekshe metr shamasynda. Sel qaýpi maýsymnyń basynan bergi jáne 14 tamyzda júrgizilgen sharalar nátıjesinde kól deńgeıi 42 myń tekshe metrge tómendedi.
«Qazseldenqorǵaý» MM mamandary osy qubylysty «sel tasqyny» dep jikteıdi. Sondyqtan sel aǵyzyp ketken zattar (tastar, laı, aǵash, synyq bólikter, t.b.) bolǵan joq.
Naýryzbaı, Áýezov, Alataý aýdandarynda sý aǵyzýdyń qaýipsiz bolýyn qamtamasyz etý jáne qadaǵalaý úshin buryn taǵaıyndalǵan kúshter men ınjenerlik tehnıkalar kezekshilik atqarady», - dep málimdedi TJK.
Komıtet qala turǵyndaryna keler qaýip joq, Qarǵaly ózeni ádettegi qalybynda aǵady dep sendirdi.
«Aǵashtar, kósheler jáne basqa da nysandardy sý aǵyzyp ketý jaǵdaılary tirkelgen joq. Qala ákiminiń kelisimimen jedel shtabtyń jumysy toqtatyldy, jaǵdaıdy Almaty TJD baqylap otyr», - dedi vedomstvo ókilderi.
Eske sala keteıik, búgin tańerteń Almatynyń Naýryzbaı aýdanyna Qarǵaly ózeninde sel júrý qaýpi tónip turǵandyqtan dabyl jarııalandy.
Soǵan baılanysty Naýryzbaı aýdanynda evakýatsııalaý pýnktteri belgilendi.
Qala ákimi Baqytjan Saǵyntaev Almatydaǵy seldiń beti qaıtqanyn málimdedi.
QR Іshki ister mınıstriniń orynbasary ıÝrıı Ilın Almaty qalasyna №1 morenalyq kólden esh qaýip joq ekenin aıtty.
Avtor: Elaman Turysbekov
