Almaty turǵyndaryna memlekettik marapattar tapsyryldy
Joǵary nagradalarmen marapattalǵandardyń arasynda dáriger, muǵalim, qoǵam qaıratker, shyǵarmashylyq jáne ǵylymı zııaly qaýym ókilderi bar. Táýelsizdik kúnine oraı Almaty qalasynyń 76 turǵyny marapatqa ıe boldy.
Saltanatty jıynǵa qatysýshylar aldynda sóılegen sózinde Almaty qalasynyń ákimi Baqytjan Saǵyntaev Táýelsizdiktiń qundy mereke ekenin atap ótti.
«Búgingi Qazaqstan – tabysty, qarqyndy damyp kele jatqan memleket, al bizdiń qalamyz Almaty – Táýelsizdiktiń altyn besigi. Táýelsizdik jylnamasynda almatylyqtardyń da úlesi bar ekenin maqtanyshpen aıta alamyz. Osy ýaqyt ishinde biz mańyzdy jetistikterge qol jetkizdik. Almaty bıznes pen jeke kapıtal shoǵyrlanǵan qalaǵa aınalyp, el ekonomıkasynyń besten bir bóligin jáne respýblıkalyq bıýdjettiń úshten bir bóligin qurady. Osy jetistikterdiń barlyǵy - memleket jáne qoǵam qaıratkerleriniń, ǵylym men bilim, mádenıet jáne sport, densaýlyq saqtaý, azamattyq qoǵam, memlekettik qyzmetshiler jáne áleýmettik qorǵaý, energetıka, kommýnaldyq sharýashylyq, kásipkerlik ókilderiniń eńbegi. Búgin sizderdiń elimiz ben megapolıstiń damýyna qosqan úlesterińiz joǵary memlekettik nagradalarmen laıyqty túrde marapattaldy», - dedi Almaty ákimi B. Saǵyntaev.
II dárejeli «Dostyq» ordenimen Qazaqstan-Frantsııa Іskerlik keńesiniń teń tóraǵasy A. Káribjanov marapattaldy.
«Qurmet» ordenine 11 almatylyq ıe boldy, olardyń arasynda №5 emhana bas dárigeriniń orynbasary A. Ábdrahmanova, eńbek ardageri Z. Ahmetova, №169 mektep-lıtseıdiń dırektory G. Bekenova, Onkologııa jáne radıologııa ınstıtýtynyń dırektory D. Qaıdarova, «Qazaq ádebıeti» gazetiniń bas redaktory D. Qýat, kompozıtor,«Qazaq avtorlar qoǵamy» RQB tóraǵasy B. Qydyrbek jáne basqalary bar.
III dárejeli «Eńbek Dańqy» ordenimen «Almaty Elektrotrans» JShS trolleıbýs júrgizýshisi R. Qalmuhambetovtiń, «Almatymetroqurylys» AQ taý-ken sheberi T. Qońyratovtyń, «Konkrıt Prodakts» JShS beton buıymdary tsehynyń sheberi A. Sınıshınniń eńbegi elendi.
Birqatar turǵyn «Eren eńbegi úshin» medalimen marapattaldy. Olardyń arasynda №83 gımnazııanyń fızıka pániniń muǵalimi L. Arataı, «Almatynyń ElektroŞıt zaýyty» JShS dırektory M. Aýmoldaev, «Balalar men jasóspirimderdiń keshendi №5 mamandandyrylǵan sport-tehnıkalyq mektebi» MKQK aǵa jattyqtyrýshysy K. Eşenko bar.
«Shapaǵat» medalimen «Perınatologııa jáne balalar kardıohırýrgııasy ortalyǵy» MQK dırektory G. Bodyqovtyń, «Ortalyq qalalyq klınıkalyq aýrýhana» MQK-nyń somatıka bóliminiń aǵa medbıkesi R. Omarovanyń, «№1 qalalyq perzenthana» MQK-nyń akýsher-gınekology P. Sadyqovanyń, «Qazaq onkologııa jáne radıologııa ǵylymı-zertteý ınstıtýty» AQ bólim basshysy I. Hýsaınovanyń jáne basqalarynyń eńbekteri atalyp ótti.
Bulardan ózge, eriktiler, medıtsınalyq-kommýnaldyq mekemelerdiń qyzmetkerleri Qazaqstan Respýblıkasynyń jáne Memleket basshysynyń Qurmet gramotalarymen marapattaldy.
