Almaty turǵyndaryna kóktaıǵaqqa baılanysty eskertý jasaldy
ALMATY. QazAqparat - Almaty qalalyq tótenshe jaǵdaılar departamenti «Qazgıdrometke» silteme jasap aýa raıyna qatysty eskertý jarııalady, dep habarlaıdy QazAqparat tilshisi.
15-16 aqpan Almatyda qalyń qar jaýyp, tuman túsip, kóktaıǵaq bolady. Jolda júrý, kórý múmkindigi qıyndaıdy.
Osyǵan oraı qutqarýshylar júrgizýshilerge avtokólikterin aǵashtardyń, elektr jelileriniń jáne basqa da ilinip turǵan qurylymdardyń astyna qoımaýǵa keńes beredi.
Eske salaıyq, búgin Soltústik-batys tsıklonyna baılanysty QR terrıtorııasynyń basym bóliginde qar jaýdy.
Respýblıka boıynsha keı jerlerde tuman, burqasyn, elimizdiń ońtústigi, ońtústik-shyǵysy jáne ońtústik-batysynda kóktaıǵaq bolady, basym bóliginde jel kúsheıedi.
