Almaty turǵyndaryna qala ózenderinde shomylýǵa tyıym salynǵan - TJD
ALMATY. QazAqparat – Almaty qalasynyń Tótenshe jaǵdaılar departamenti qala ózenderinde shomylýǵa tyıym salynǵanyn eske saldy, dep habarlaıdy QazAqparat.
Qalalyq TJD qyzmetkerleriniń málimdeýinshe, QR Ákimshilik quqyqbuzýshylyqtar týraly kodekstiń 364-babyna sáıkes tyıym salynǵan oryndarda shomylý, ondaǵy sýdy ishý jáne turmystyq qajettik úshin alýǵa, maldy sýarýǵa, qaıyqpen jáne basqa da júzý quralymen serýendeýge ákimshilik jaýapkershilik qarastyrylǵan.
«Almaty arqyly aǵatyn ózenderde (mysaly, Esentaı, Kishi jáne Úlken Almaty) shomylý jáne qaıyqpen júzýge tyıym salynǵan, sebebi olar qaýipti dep sanalady. Osyǵan baılanysty, Almaty qalalyq TJD qala turǵyndaryn sý qoımalarynda qaýipsizdik erejesin buzbaýǵa shaqyrady», - dedi TJD-dan.
Osy arada, Kris_p pablıginde Úlken Almaty ózeninde shomylyp jatqan adamdardyń fotosy jarııalanǵan edi. TJD ózen mańyn tekserý barysynda onda shomylyp júrgender baıqalmaǵanyn atap ótti.
