Almaty turǵyndaryna halyqtyń áleýmettik az qamtylǵan toptaryn qoldaý sharalary túsindirildi
«Qazirgi tańda elimizde «Jumyspen qamtý jol kartasy - 2020» baǵdarlamasy júzege asyrylyp jatyr. Munda basty maqsat - jumyspen qamtý arqyly turǵyndardyń tabysyn arttyrý. Bul baǵdarlamany júzege asyrýǵa respýblıkalyq bıýdjetten arnaıy qarjy bólinedi. Sondaı-aq, Daǵdarysqa qarsy jospardaǵy bul baǵdarlama úsh baǵytty qamtıdy. Almaty qalasy onyń ekeýin júzege asyrady. 2016 jyly jergilikti bıýdjetten oǵan 172,9 mln teńge bólindi.
Negizi áleýmettik jumys oryndary maqsatty toptardaǵy adamdarǵa arnalǵan (jumyssyzdar, jumyssyz júrgenderine 6 aı bolǵandar, eńbekke jaramdy múgedekter, jetim balalar, zeınet jasyna shyǵar aldyndaǵy azamattar, túrmeden bosap kelgender).
Joǵary oqý oryndary jáne orta kásiptik tehnıkalyq oqý oryndarynyń túlekteri úshin arnaıy jastar is-tájirıbesi qarastyrylǵan. Praktıka barysynda 38 178 teńge (18 AEK) kóleminde jalaqy tólenedi. Praktıkadan keıin oǵan qatysýshylardyń 70 paıyzy jumyspen qamtylady.
Sondaı-aq, suranysqa ıe mamandyqtar boıynsha qaıta daıarlaý kýrstary júrgiziledi. Osy baǵdarlamadan ótý barysynda oǵan qatysýshylarǵa 13 407 teńge kóleminde shákirtaqy tólenedi», - dedi Almaty qalasynyń Jumyspen qamtý ortalyǵynyń dırektory Orymqyz Jibekenova.
Sondaı-aq, jıynda sóılegender «Órleý» jobasyn júzege asyrý jumysynyń odan ári jalǵasatyndyǵyn jetkizdi. Bul joba boıynsha eńbekke jaramdy músheleri bar áleýmettik az qamtylǵan otbasylaryna kómek kórsetiledi. Joba 2015 jyly qolǵa alynǵan bolatyn.
Aıta ketelik, 2016 jyldyń qańtar aıynan bastap, densaýlyq saqtaý jáne bilim salasy qyzmetkerleriniń jalaqysy 29 paıyzǵa deıin, áleýmettik qamsyzdandyrý salasy qyzmetkerleriniń jalaqysy 40 paıyzǵa deıin ósti, sondaı-aq, birqatar áleýmettik járdemaqylardyń kólemi de ulǵaıdy.
Óz kezeginde Almaty ákimdigi tarapynan da jyl saıyn azamattardy áleýmettik jaǵynan qorǵaý maqsatynda qomaqty qarjy bólinedi.
Mysaly, osy ótken qańtar aıynan bastap, Uly Otan soǵysynyń ardagerleri jáne solarǵa teńestirilgender, jasy 75-ten asqan zeınetkerler, 1-2-shi toptaǵy múgedekter, 18 jasqa deıingi múgedek balalar jáne kópbalaly analar qoǵamdyq kólikterde tegin júre alady.