Almaty turǵyndaryna ekstremızm men terrorızm qaýpi túsindirildi
Ekstremızm men terrorızmge qarsy turýdyń zańnamalyq normalaryn halyqqa túsindirý jumystary bazarlar men iri saýda ortalyqtarynda júrgizildi. Atap aıtsaq, Tastaq, Arystan, Baısat, ıAlıan, Jibek joly bazarlary men Megataý saýda ortalyǵynda ótti.
«Almaty úlken megapolıs, munda neshe túrli adamdar keledi. Halyq kóp júretin jer - bazarlar men saýda ortalyqtary. Sondyqtan, josparly sharamyzdy osy jerlerde ótkizýdi uıǵardyq. Halyqqa ekstremızm men terrorızm qaýpin barynsha túsindirdik. Jat aǵymdaǵy adamdarǵa aldanyp qalmaýdyń jolyn, dinshil jáne dinge senbeıtin adamdardyń quqyqtary týraly aıttyq», - deıdi ál-Farabı atyndaǵy QazUÝ magıstri Nurlan Orynbekov
Almaty qalalyq Qoǵamdyq damý basqarmasy men «QR lańkestik jáne ekstremızm máselelerin zertteý ortalyǵy» QQ mamandary turǵyndar men qala qonaqtaryna ekstremıstik jáne lańkestik áreketterge shaqyratyn aýdıo, beıne, mátindik materıaldardy ǵalamtorǵa salyp, áleýmettik jelilerde taratqan adamdar qylmystyq jáne ákimshilik jaýapkershilikke tartylatynyn aıtty. Sondaı-aq, ekstremıstik aǵymdardyń ıdeologııasyna túsinik berdi.
