Almaty turǵyndary Medeý shatqalyn daýyldan qıraǵan aǵashtardan tazartyp jatyr
ALMATY. 9 shilde. QazAqparat /Ádilet Musahaev/ - Almaty qalasyndaǵy Alataý aýdanynyń turǵyndary 17 mamyrda bolǵan daýyl saldarynan Medeý shatqalynda qıraǵan aǵashtardy tazartý aktsııasyn ótkizip jatyr.
Bul ıgilikti sharaǵa Alataý aýdanynyń 1800 turǵyny qatysýda, sondaı-aq qulaǵan aǵashtardy tasymaldaýǵa 100-ge jýyq arnaıy tehnıka jumyldyrylǵan.
«Keıingi ýaqyttarda tabıǵattyń tosyn minez kórsetýiniń saldarynan kórikti Medeý shatqalynda qanshama aǵashtar qırap, bul jerdiń usqyny ketti. Osyǵan oraı bizdiń aýdan turǵyndary osy sharany ótkizýge úndeý tastap, Almaty qalasynyń ákimi Ahmetjan Esimovtiń ruqsatyn aldy. Álemge tanymal bul kórikti mekendi qaıta qalpyna keltirip, onyń ádemiligin saqtaýymyz kerek», -deıdi Alataý aýdanynyń ákimi Baǵdat Mánizorov.
Aýdan ákimi sondaı-aq bul aǵashtardy jyldam tazartpasa, olar keýip, keleshekte órt qaýpin týǵyzatyndyǵyn aıtyp ótti. «Sondyqtan bizdiń aýdan kótergen aktsııany qalanyń ózge de aýdan turǵyndary qoldap, jalǵastyrady degen oıdamyz», -dedei B.Mánizorov.
«Daýyl bolǵanyna eki aıdaı ýaqyt ótti, degenmen qulaǵan aǵashtardy tazrtaý jumystary áli báseń. Eger tazartý jumystaryna kóptegen adamdar men tehnıkany, sonymen qatar qarjy bólmese bul jumys birneshe jylǵa sozylyp ketýi múmkin», -deıdi Almaty qalasy Tabıǵı resýrstar jáne qorshaǵan ortany qorǵaý basqarmasynyń bastyǵy Altaı Rahymbetov.
Bul jerledi tazalaýǵa sonymen qatar áskerı bólimnen de adamdar jumyldyrýda, alaıda qala turǵyndary kórikti qalamyzdy tazartýǵa qol ushtaryn sozyp jatqandyǵy óte qýantarlyq jaǵdaı ekeni belgili.
«Almaty qalasyn Medeý, Shybulaq shatqaldarynsyz elestetý múmkin emes. Alaıda bul jerlerdiń búgingi kúıi alańdatarlyqtaı. Tabıǵatymyzdyń kórikti bolyp qalýyna árbir qala turǵyndary óz úlesin qosýy kerek. Mine osyndaı bastamamen ózim de búgin osy jerge kelip tazartý jumystaryn istep jatyrmyn», -deıdi Alataý aýdanynyń turǵyny Kúlásh Ámirenova.
