Almaty turǵyndary káriz júıesine 71 mln. teńge bereshek
Bul týraly «Bastaý» MKK qoǵammen baılanys bóliminiń menedjeri Serik Shagırov málim etti. Onyń málimdeýinshe, qalada kommýnaldy qyzmet aqysyn 3 jyl boıy tólemegen tutynýshylar da bar.
Alaıda, sońǵy ýaqytta bereshek tutynýshylarmen kúreste ár páterdi lokaldy ajyratý tásili óz jemisin berip keledi.
Qazirgi tańda Almaty qalasynyń barlyq aýdandarynda mobıldi quraldarmen jabdyqtalǵan birneshe arnaıy brıgada osy qyzmetpen aınalysýda.
Tájirıbe kórsetkendeı, bul ádis boryshker tutynýshylardy qaryzyn tezirek tóleýge májbúrleıdi. Mamandardyń aıtýynsha, 100 jaǵdaıdyń 98-inde tutynýshylar qordalanyp qalǵan qaryzyn úsh kúnniń ishinde óteıdi.
Ol úshin brıgada qyzmetkerleri páterdiń ishine kirmeı-aq kameramen basqarylatyn arnaıy quralmen káriz qubyryna bóget ornatady. Budan keıin tutynýshy káriz qyzmetin paıdalana almaıdy.
«Kúnine ondaǵan bereshek tutynýshylardy sý men káriz júıesinen ajyratyp otyrmyz. Jyl basynan beri eki júzdeı ajyratý tirkeldi. Byltyr 1653 páter ajyratylyp, nátıjesinde jyldar boıy qordalanǵan qaryzdyń 77 paıyzy óteldi. Mekeme bıýdjetine 21 mln. teńge túsim tústi», - dep qorytyndylady Serik Shagırov.
