Almaty turǵyndary qala ákimine derbes jobalaryn tanystyrdy
ALMATY. QazAqparat - Almaty ákimi Baqytjan Saǵyntaev onlaın-formatta qala turǵyndaryna qabyldaý ótkizdi, dep habarlaıdy QazAqparat tilshisi.
Azamattardyń kótergen máseleleri jáne usynystary jumysqa ornalasý, medıtsınalyq kómek kórsetýge qatysty boldy.
Almaty jasandy ıntellekt zerthanasynyń negizin qalaýshy Dosjan Júsipov Serebra ınsýltin avtomattandyrylǵan dıagnostıkalaýǵa arnalǵan baǵdarlamalyq qamtamasyz etýdi ilgeriletý týraly aıtyp berdi. Joba medıtsınalyq mekemelerde pılottyq rejımde iske asyrylýda, sondaı-aq venchýrlik ınvestorlardyń qoldaýyna ıe boldy.
Zákirjan Mámet-Álıevtiń derbestendirilgen jáne preventıvti medıtsına ortalyǵyn qurý týraly usynysy halyqqa joǵary bilikti ońaltý qyzmetterin usyný maqsatynda zerdelenetin bolady.
Kásipker Áset Begalıev jasyl jelekterdi qorǵaý jáne kútý qyzmetterin usyndy. Básekelestik ortany qurý jáne osyndaı jumystardyń sapasyn arttyrý maqsatynda jobalardy iske asyrý múmkindigi qaralatyn bolady.
Sondaı-aq, Alataý aýdany Uljan yqsham aýdany turǵyndarynyń ótinishi boıynsha «Bıýdjetke qatysý» jobasy aıasynda sport zalyn salý josparlanyp otyr.
