Almaty turǵyndary eski úılerin súrýdi surap otyr
Ákimdikke Raıymbek dańǵyly, 174G úıiniń turǵyndary júgingen.
Qalalyq josparlaý jáne ýrbanıstıka basqarmasy atalmysh mekenjaı boıynsha ornalasqan úı Turǵyn úı qoryn jańartý baǵdarlamasyna engenin málim etti.
«Bul úı eski turǵyn úıdi jóndeý baǵdarlamasyna kiredi. Úıdi súrý merzimi ınvestorlardan osy ýchaskeni ıgerýge ótinimder túsken kezde naqtylanatyn bolady. Ýchaskeni ıgerýge, buzýǵa jáne ótemaqyǵa baılanysty barlyq másele QR qoldanystaǵy zańnamasyna sáıkes sheshiletin bolady», - dep habarlady basqarmadan.
Eske salaıyq, Almatyda 2021-2025 jyldarǵa arnalǵan Turǵyn úı qoryn jańartý baǵdarlamasy júzege asyp jatyr. Onyń aıasynda 708 eski úıdi buzý jáne 683 turǵyn úı salý josparlanǵan.
Buǵan deıin 2012-2015 jyldarǵa arnalǵan Almaty qalasynda apatty úılerdi buzýdyń pılottyq baǵdarlamasyna sáıkes, 56 eski úı súrilip, 63 kóppáterli úı boı kótergen bolatyn. Osy baǵdarlamanyń arqasynda 579 otbasy jańa páterge qonystandy.
