Almaty turǵyndary dáriniń baǵasyn ózderi rettep otyratyn boldy
ALMATY. QazAqparat – Almaty qalalyq Taýarlar men qyzmetter sapasyn baqylaý departamenti dari.kz qosymshasyn aprobatsııadan ótkizip jatyr, dep habarlaıdy QazAqparat tilshisi.
Endi turǵyndar osy qosymsha arqyly dárilerdiń baǵasyn salystyra alady.
Qosymshada dáriniń qoraby markerlengeni, baǵasy, qaýipsizdik pen sapa turǵysynan tekserýden ótken-ótpegenin kórýge bolady.
Sonymen qatar, patsıentter óz pikirlerin de qaldyra alady.
«Eger adam dáriniń baǵasy dárihanada negizsiz qymbat qoıylǵanyn kórse, qorapty sýretke túsirip, qosymsha arqyly jibere alady. Dárilerdiń baǵasy QR DSM ınternet resýrstarynda kórsetilgen. Eger kásipker dári baǵasyn tym qymbattatyp jibergen bolsa, aımaqtyq departamentterge aryz túsirýge bolady. Mundaı quqyqbuzýshylyq úshin ákimshilik jaza qarastyrylǵan», - dedi qalalyq Taýarlar men qyzmetter sapasyn baqylaý departamentiniń baspasóz qyzmetinen.
