Almaty turǵyndary «Birjan - Sarany» tuńǵysh ret túpnusqada tyńdaý múmkindigine ıe bolady
ASTANA. 27 qańtar. QazAqparat - Almaty qalasynyń turǵyndary men qonaqtary qazaq operasynyń marjany «Birjan - Sarany» tuńǵysh ret túpnusqada, eshbir qysqartýsyz, maestro Abzal Muhıtdınovtiń jańa mýzykalyq redaktsııasynda tyńdaý múmkindigine ıe bolady.
Aty ańyzǵa aınalǵan Marıın teatrynyń (Sankt-Peterbor) úzdik tenory, Birjan partııasynyń mańdaıaldy oryndaýshysy Ahmet Aǵadı QR eńbek sińirgen qaıratkeri Aıgúl Nııazovamen birge shyrqaıdy. Reseıdiń halyq sýretshisi Vıacheslav Okýnev Almaty kórermenine ulttyq naqyshta ázirlengen tańdaýly dekoratsııasyn usynyp otyr.
Reseıdiń halyq ártisi ıÝrıı Aleksandrovtyń bul qoıylymyn 4 aqpanda 19:00-de Abaı atyndaǵy MAOBT-da tamashalaýǵa bolady. Jańasha qoıylatyn spektakldiń ereksheligi, sahnada kisi ólimin moıyndamaıtyn qoıýshynyń Birjandy halqyna degen sheksiz mahabbatqa jáne jarqyn bolashaqqa degen armanǵa toly shabyttandyratyn ánderimen birge tiriltetindiginde. ıÝrıı Aleksandrov ekinshi kórinistegi qos ǵashyqtyń oryndaýyndaǵy Birjan men Saranyń dýetin sońyna qoıyp, kórermenge óner men mahabbatty óltirýge bolmaıtynyna oı tastaıdy.
«Buǵan deıin «Birjan - Sara» operasynyń partıtýrasymen eshkim bulaı jumys jasaǵan emes, týyndynyń túpnusqasyn sheteldik teatrlar oryndaıyn dese qoldary jetken joq. Endi qazaq operasynyń marjanyn tolyq nusqada tyńdaıtyn erekshe múmkindik týdy, sebebi kezinde yqshamdalǵan nusqalar tolyǵymen endi. Mýzykalyq teatrdyń tarıhynda qazaq operasynyń partıtýrasy men orkestrlik daýystary birinshi ret tehnıkalyq turǵydan basyp shyǵaryldy. Qoljazbadaǵy barlyq qateler túzetildi. Qazir sımfonııalyq orkestrdiń mýzykanttary joǵary álemdik sapadaǵy orkestrlik partııalarǵa ıe. Endi kez kelgen kásipqoı mýzykant óz partııasyn qaǵazǵa qarap-aq oryndaı alady», - deıdi «Astana Opera» teatrynyń mýzykalyq jetekshisi Abzal Muhıtdınov.
