Almaty turǵyndary 9 qabatty úıdiń qısaıǵanyn aıtyp, dabyl qaǵyp jatyr

ALMATY. QazAqparat – Almatydaǵy «Zerdeli» shaǵyn aýdanynyń turǵyndary turǵyn úıdiń qısaıǵanyna alańdaýly, dep habarlaıdy QazAqparat tilshisi.

Bul aqparatty tekserý úshin memlekettik organdar jumys tobyn qurdy.

«10 jeltoqsan saǵat 21.10-da TJD kezekshi bólimine Alataý aýdanynyń turǵyndary shuǵyl habarlasqan. «Zerdeli» shaǵyn aýdanynda ornalasqan № 1/179 úı, 6-páterdiń ıesi úıdiń qısaıyp turǵanyn baıandaǵan. Osyǵan baılanysty memlekettik organdardan arnaıy jumys toby quryldy. Jumys toby oqıǵa ornyna shyqty. Turǵyndardyń pikirinshe, úıdiń syrtynan qaraǵanda qısaıǵany baıqalady. Qazir mamandar bul aqparatty tekserip jatyr», - dedi TJD baspasóz qyzmetinen.

Ýákiletti organdardyń ókilderi oqıǵa ornynda jumys istep jatyr.