Almaty túlekteri Táýelsizdik monýmentine gúl shoqtaryn qoıdy
; ALMATY. Mamyrdyń 19-y. QazAqparat /Ádilet Musahaev/ - Búgin Almaty qalasyndaǵy Respýblıka alańynda qalyptasqan dástúr boıynsha qalanyń barlyq aýdandarynan kelgen mektep bitirýshilerdiń delegatsııalary Táýelsizdik monýmentine gúl shoqtaryn qoıdy.
Táýelsizdik monýmentine gúl shoqtaryn qoıýshylardyń qatarynda «Úrker» medaliniń ıegerleri, jalpy bilim beretin pánder boıynsha respýblıkalyq, halyqaralyq olımpıadalardyń, oqýshylardyń ǵylymı joba jarystarynyń, túrli konkýrstardyń jeńimpazdary men qatysýshylary bar.
Túlekterdiń biri Azamat Kúleshov Táýelsizdik monýmenti - Qazaqstannyń sımvoly ekendigin aıtady. «Bul bizdiń tarıhymyz jáne jastardyń tarıhı oryny. Biz búgin osy jere gúl shoqtaryn qoıyp jatqanymyzdy maqtan tutamyz, óıtkeni osy jerden úlken ómirge qadam basqaly otyrmyz. Elimizdiń alǵashqy táýelsizdik qadamdary dál osy jerden bastalǵan edi», deıdi ol.
Al keshke «Almaty Towers» kesheninde mektep bitirýshilerdiń «Jas túlek Almaty - 2010» festıvali ótedi.
Merekelik is-sharaǵa QR Bilim jáne ǵylym mınıstri Janseıt Túımebaev pen Almaty qalasynyń ákimi Ahmetjan Esimov qatyspaq.
Festıval barysynda túlekterge «Altyn belgi» men qalanyń joǵary oqý oryndarynda oqýǵa granttar tabystalady.
