Almaty túbinde aınalma temirjol salynady

ALMATY. QazAqparat - Almaty túbinde aınalma temirjoly salynady. Bul týraly Almaty óńirlik kommýnıkatsııalar qyzmetindegi baspasóz konferentsııasy barysynda belgili boldy, dep habarlaıdy QazAqparat tilshisi.

«QTJ-júk tasymaly» AQ Almaty qalalyq fılıalynyń dırektory Sársebek Japarov Almaty-1, Almaty-2 vokzaldarynyń ahýaly týraly aıtyp berdi.

Atalǵan vokzaldardy jóndeý jumystary 2019 jylǵa belgilengen.

«Men bul jobaǵa qatystym. Almaty-1 vokzalynda araldyq platforma, 1 baǵyttaǵy eskalator bar. Osy eskalatorlar bolashaqta eki jaqty bolady. Ol tolyǵymen jabyq bolady. Jerasty jolynda da eskalatorlar bolady. Birinshi perronda eskalator ornatylady. Aǵymdar birneshe bólikke bólinedi. Almatydan ketetin jolaýshylar vokzal arqyly, keletinder termınal arqyly júretin bolady", - dedi Sársebek Japarov.

Onyń aıtýynsha, qazir atalǵan jobalar boıynsha kelissózder júrgizilip jatyr.

Joba quny shamamen 200 mlrd teńge bolmaq.

2020 jyly «Almaty-2-Almaty-1» ýchaskesinde aınalma temir jolynyń qurylysy bastalady.

Ol qalanyń temir jol torabynan tys júrgiziledi. Bul tranzıttik poıyzdardy «Almaty-1» vokzalyna barmaı aınalyp ótýi úshin jasalady.

«Aınalma temir joly ońtústik jaǵynan Qazybek bı stansasymen, soltústik jaǵynan Jetigen stansasymen tuıyqtalady. Trassa Moıynqum qumynan UQK oqý polıgonynyń tusynan ótedi. Odan ári ońtústik batysynda «Almaty eksplýatatsııalyq bólimi» MM túıisedi. Odan ári Jetigenge ketedi. Trassanyń uzyndyǵy saǵatyna 74,9 shaqyrym.  Jol 15 shaqyrymdyq 4 bólikke bólinedi. Trassada 3-4 qabyldaý-attandyrý joldary bolady", - dedi Japarov.