Almaty: Týberkýlezge shaldyqqan oqýshynyń anasy mantý-synamasyn saldyrtpaǵan
ALMATY. QazAqparat - Almaty qalalyq Qoǵam densaýlyǵyn qorǵaý departamentiniń mamandary týberkýlezge shaldyqqan mektep oqýshysynyń jaǵdaıy týraly aıtyp berdi, dep habarlaıdy QazAqparat tilshisi.
Departament basshysy Aızat Moldaqasymovanyń aıtýynsha, №83 mekteptiń 3-synyp oqýshysyna «lımfa túıinderiniń týberkýlezi» dıagnozy qoıylǵan.
«Bul aýrý juqpaly emes. Sebebi ol ókpe týberkýleziniń túrine jatpaıdy. Júrgizilgen epıdemıologııalyq tekserý nátıjesinde atalǵan mektepte bıyl da, byltyr da týberkýlezben aýyrǵan adam bolmaǵany anyqtaldy. Bala esh jerden juqtyrmaǵan. Aýrý balanyń ımmýnıtetiniń álsireýinen paıda bolǵan», - dedi A.Moldaqasymova.
Onyń aıtýynsha, byltyr balanyń ata-anasy mantý reaktsııasyn jasatýdan bas tartqan.
«Eger mantý synaǵy jasalsa, balanyń aýrýyn erte bastan anyqtaý múmkin bolar edi. Qazir kóp ata-analar BTsJ mantýynan bas tartyp jatyr. Onyń arty osyndaı saldarǵa ákep soǵady. Aýrýdyń belgilerine kelsek, olar - 2-3 aptaǵa sozylǵan jótel, álsizdik, tersheńdik, birqalypty kóterińki dene qyzýy. Qazir bala týberkýlez dıspanserinde em qabyldap jatyr. Jaǵdaıy birqalypty. Al onyń synyptastary túgel dárigerlerdiń baqylaýynda», - dedi Aızat Moldaqasymova.
