Almaty tragedııasy: Ereýil kezinde oqqa ushqan BAQ qyzmetkeriniń otbasyna úsh bólmeli páter beriledi

ALMATY. QazAqparat - Qala ákimi Baqytjan Saǵyntaev jumys sapary barysynda terrorıster shabýyldaǵan telearna redaktsııalaryna bardy, dep habarlaıdy QazAqparat tilshisi.

«Almaty» telearnasy ujymymen kezdesýde Baqytjan Saǵyntaev qyzmettik mindetterin oryndaý kezinde qaza tapqan júrgizýshi Murathan Bazarbaevtyń qaıtys bolýyna baılanysty kóńil aıtty.

Onyń otbasyna materıaldyq kómek kórsetilip, 3 bólmeli páter beriletinin jetkizdi.

Sondaı-aq ákim jaraqat alǵan teleoperator Dıasken Baıtıbaevqa tezirek saýyǵyp ketýin tilep, joldastaryn evakýatsııalaýǵa kómektesken teleoperator Arsen Sandybaevqa alǵysyn bildirdi.

Olarǵa materıaldyq qoldaý, sondaı-aq odan ári ońaltýǵa kómek kórsetiletin bolady.

Baqytjan Saǵyntaev telearnanyń barlyq qyzmetkerlerine tártipsizdik kezinde azamattardy habardar etý boıynsha batyldyq pen kásibı mindetterdi oryndaǵany úshin alǵys aıtty.

Qala ákimi bandalyq toptardyń qolynan zardap shekken «Qazaqstan», «Habar», «Mır», «Pervyı kanal Evrazııa» telearnalary ornalasqan ǵımarattardy aralap kórdi.

Tehnıkalyq tekserýden keıin qysqa merzimde qalpyna keltirý bastalady.