Almaty Towerstaǵy órt: «Batýt ortalyǵy» JShS dırektoryn qamaý taǵy 1 aıǵa sozyldy
ALMATY. QazAqparat - Almatyda «Almaty Towers» ǵımaratyndaǵy órtke baılanysty daýly is boıynsha sot tyńdaýy ótti. Іs boıynsha «Batýt ortalyǵy» JShS-nyń dırektory Dáýren Tuıaqovty qamaý merzimi taǵy 1 aıǵa uzartyldy, dep habarlaıdy QazAqparat tilshisi.
Bostandyq aýdandyq sotynyń sýdıasy isti prokýrorǵa jańa kelisim jasaý úshin qaıtardy.
Sottalyp otyrǵan 35 jastaǵy jigittiń kámeletke tolmaǵan eki balasy bar, úshinshisi ustalyp ketken soń týǵan.
Onyń qorǵaýshysy Álimjan Oralbaıdyń aıtýynsha, Tuıaqov buryn sottalmaǵan.
Sot tyńdaýynda advokat sottalýshyǵa taǵylǵan aıypqa baılanysty ol jazasyn qonys kolonııasynda óteýi tıis ekendigin aıtqan bolatyn.
Alaıda, ony 8 aı boıy tergeý ızolıatorynda ustap kelgen.
«Meniń qorǵaýymdaǵy azamattyń jasaǵan qylmysy abaısyzda júzege asqan bolsa da, ony tergeý ızolıatorynda ustap otyr. Ol jigit qazir túrmede otyr. Onda jaǵdaı óte qıyn», - dedi ol.
Aıta ketý kerek, 6 qarashada Almaty Towers ǵımaratynda órt bolǵan edi. Ǵımarattan 80 adam qaýipsiz jerge kóshirilgen edi. Tilsiz jaý 6 stýdenttiń ómirin jalmaǵan.
Atalǵan derek sotqa deıingi biryńǵaı tergeý reestrinde tirkeldi.
