Almaty Towers-tegi órtke baılanysty KASE jumysyn rezervtik ortalyqtan júrgizedi

ASTANA. QazAqparat - Almaty Towers bıznes-ortalyǵyndaǵy órtke baılanysty KASE saýda júıelerin basqarý rezervtik ortalyqtan júzege asyrylady dep habarlaıdy QR Ulttyq bankiniń baspasóz qyzmeti.

«Qazaqstan Respýblıkasynyń Ulttyq banki Qazaqstan qor bırjasynyń (KASE) ofısi ornalasqan Almaty Towers bıznes-ortalyǵynyń órtenýine baılanysty shtattan tys oqıǵanyń týyndaýyna qatysty KASE saýda jáne aqparattyq júıelerin basqarý 2016 jylǵy 7 qarashada rezervtik ortalyqtan júzege asyrylatynyn habarlaıdy. Saýda-sattyqty, klırıngti jáne esep aıyrysýlardy júrgizý belgilengen reglamentke sáıkes shtattyq rejimde josparlanyp otyr», delingen habarlamada. 

Eske sala ketsek, keshe keshke Almatyda Bostandyq aýdanyndaǵy Baızaqov kóshesiniń boıyndaǵy kezde 6 qabatty Almaty Tower» bıznes ortalyǵynyń shatyry órtendi.

Órtti sóndirý kezinde 80 adam evakýatsııalandy. Tótenshe jaǵdaılar salasynyń qyzmetkerleri qolǵa alǵan sharalardyń arqasynda órt saǵat 20-30-da aýyzdyqtalyp, 20-36-da sóndirildi. Jalyn sharpyǵan aımaq 1800 sharshy metrdi qurady. Órtti sóndirýge 150 jeke quram múshesi men 34 tehnıka qatysty. Tótenshe jaǵdaılar salasynyń qyzmetkerleri oqıǵa ornyna jetkenshe, 1962 jyly týǵan azamat aýa jetpeı, ıis gazynan ýlanyp mert boldy.

Almaty polıtsııasy ІІD habarlaýynsha, adam ólimine ákep soqqan bıznes-ortalyqtaǵy órt faktisi boıynsha sotqa deıingi tergeý jumystaryn júrgizýde.