Almaty-Termez avtojolynda kólik apatynda 4 adam mert bolyp, 7-ýi jaraqattandy - TJM
ASTANA. Qańtardyń 21-i. QazAqparat - Ońtústik Qazaqstan oblysy aýmaǵynda, Almaty-Termez avtojolynda oryn alǵan iri jol-kólik apatynda 4 adam qurban bolyp, 7 adam zardap shekti.
QR Tótenshe jaǵdaılar mınıstrligi baspasóz qyzmetiniń habarlaýynsha, keshe, qańtardyń 20-sy kúni saǵat 18.10-da avtojoldyń 776-shy shaqyrymynda «Folksvagen» jáne «Hıýndaı» avtokólikteri soqtyǵysyp qalǵan.
Jol-kólik apaty saldarynan «Folksvagenniń» júrgizýshisi men ekinshi kóliktiń úsh jolaýshysy, onyń ishinde 2 jastaǵy sábı oqıǵa ornynda kóz jumdy. «Hıýndaıdyń» júrgizýshisi jáne eki kóliktegi qalǵan 6 jolaýshy túrli jaraqattarmen aýrýhanaǵa jetkizildi.
