Almaty tergeý oqshaýlaǵyshyna gashısh qosylǵan shaı men lapsha ótkizbek bolǵan
ASTANA. QazAqparat - Almaty tergeý oqshaýlaǵyshynda esirtki zatyn ótkizýdiń eki áreketine tosqaýyl qoıyldy. Olardyń gashısh ekenin sot-saraptamalyq zertteý rastady, dep habarlady Almaty qylmystyq atqarý júıesi (QAJ) departamentinen.
QAJ qyzmetkerleri qamaýda otyrǵanǵa Almaty oblysynyń turǵynynyń ákelgen zattary ishinen shamamen úsh gramm gashısh pen uıaly telefonǵa arnalǵan sim-kartany tapqan.
Ekinshi jaǵdaıda sottalǵanǵa joldanǵan azyq-túlik arasynan jalpy salmaǵy 13 gramm gashısh pen uıaly telefonǵa arnalǵan sim-karta tabyldy. Esirtki zatynyń bir bóligi tez pisiriletin lapshadan, ekinshisi shaı salynǵan paketten tabyldy. Al sim-kartany nannyń ishine jasyrǵan, dep habarlady aımaqtyq QAJ.
Atalǵan faktiler boıynsha materıaldar qylmystyq qýdalaý organdaryna protsessýaldyq sheshim qabyldaý úshin joldandy.
