Almaty temirjolynda 19 shtattan tys jaǵdaı tirkelgen
ALMATY. QazAqparat - «QTJ-júk tasymaly» AQ Almaty qalalyq fılıalynyń dırektory Sársebek Japarov Almaty óńirlik kommýnıkatsııalar qyzmetinde temirjoldaǵy tótenshe jaǵdaılar týraly aıtyp berdi, dep habarlaıdy QazAqparat tilshisi.
Onyń aıtýynsha, Almaty bólimshesiniń terrıtorııasynda tótenshe jaǵdaılar bolyp turady.
«Jyljymaly quramnyń relsten shyǵyp ketýi kóbinese podezdik joldarda bolady. Jekemenshik podezd joldaryna bizdiń lokomotıvter qyzmet kórsetedi. Tekeli-Taldyqorǵan ýchaskesinde de jekemenshik kompanııa qyzmet kórsetetin. Sol aımaqta joldyń jaǵdaıynyń nasharlyǵynan quramdy jınastyrý kezinde vagondar relsten shyǵyp ketken. Qazaqstan temirjoly ákimdikpen birge strategııalyq nysandy jasaqtaýǵa kómektesti. Sebebi elge kómir jetkizý kerek. Sol úshin tez arada jóndeýge týra keldi»,- dedi Sársebek Japarov.
Onyń aıtýynsha, joldardyń qaýipsizdigin saqtaý maqsatynda tehnologııalyq jumystar jıi júrgizilip turady.
«Aıyna eki ret arnaıy jol ólsheıtin qural joldan ótip, bárin ólshep shyǵady. Eger, aqaý anyqtalsa, sol jerde qalpyna keltiriledi. Relsti aýystyrý kerek bolsa, aýystyrady. Arnaıy arba bar. Sol arbamen keste boıynsha júrip ótedi. Qazir kún aptap ystyq bolǵan soń, relstiń jaǵdaıy nasharlaı túsedi. Aýa raıy árqalaı. Daıyndyq barlyq jerde bastaldy. Bizdiń bólimde 100 paıyz júrgizildi. Bıyl joldardyń jaǵdaıyn jaqsartýǵa kóp qarjy bólinip otyr. 800 shaqyrym jolǵa kúrdeli jóndeý jasalady», - dedi Sársebek Japarov.
Temir joldyń Almaty bólimshesinde 1 toqsanda 37 shaqyrym jol kúrdeli jóndeýden ótkiziledi.
«Shtattan tys jaǵdaılar negizinen oqıǵa jáne apatty jaǵdaı bolyp bólinedi. Jyl basynan beri 19 shtattan tys jaǵdaı boldy. Olarǵa tek qana relsten shyǵyp ketý jaǵdaılary ǵana emes apattyq sóndirý, dabyldardyń jabylýy, túrli tehnıkalyq, tehnologııalyq aqaýlar jatady. Vagondar 2 ret joldan taıǵan»,- dedi spıker.
Aıta ketý kerek, poıyzdardyń jyldamdyǵy túrine baılanysty. Jazyq jolda poıyzdardyń jyldamdyǵy saǵatyna 150 km jetedi. Poıyzdar orta eseppen saǵatyna 100 km júredi.
Buǵan deıin Astanadan Almatyǵa bara jatqan jolaýshylar poıyzynyń apatqa ushyraǵanyn habarlaǵan bolatynbyz.
Odan keıin «Qazaqstan temir joly» ulttyq kompanııasy «Astana-Almaty» baǵytynda qatynaıtyn poıyzdyń apatqa ushyraýyna qatysty resmı málimdeme jasap, oqıǵanyń shyǵý sebebin tekseretin arnaıy komıssııa qurylǵanyn jarııa etken edi.
