«Almaty – Tel-Avıv» baǵytynda ushaq qatynaı bastaıdy

ASTANA. QazAqparat - 7 qyrkúıekten Almatydan Izraıldiń Tel-Avıv qalasyna ushaq qatynaı bastaıdy, dep habarlaıdy QazAqparat.

«QR Indýstrııa jáne ınfraqurylymdyq damý mınıstrliginiń Azamattyq avıatsııa komıteti qazaqstandyq áýe kompanııalarmen birlesip ushý geografııasyn keńeıtý jáne halyqaralyq reıster sanyn ulǵaıtý boıynsha jumys júrgizýde.

Bıylǵy jyldyń 7 qyrkúıeginen bastap «Eır Astana» áýe kompanııasy Airbus 321 úlgisindegi áýe kemelerinde aptasyna 2 reıs (beısenbi jáne jeksenbi) jıiligimen Almaty – Tel-Avıv baǵyty boıynsha tikeleı turaqty jolaýshylar reısterin oryndaýdy bastaýdy josparlap otyr», - delingen habarlamada.

Málim etilgendeı, Qazaqstan men Izraıl arasyndaǵy áýe qatynasynyń ashylýy elder arasyndaǵy saýda-ekonomıkalyq, ınvestıtsııalyq, týrıstik jáne mádenı yntymaqtastyqty damytýdy jedeldetýge múmkindik bermek.