«Almaty-Tbılısı» reısindegi ushaqqa naızaǵaı túsýi belgileri anyqtalmady
NUR-SULTAN. QazAqparat – «Almaty-Tbılısı» reısindegi ushaqqa naızaǵaı túsýi belgileri anyqtalmady, dep habarlaıdy QazAqparat tilshisi.
Budan buryn jelide «Almaty-Tbılısı» reısindegi ushaqqa naızaǵaı túsýi múmkin ekeni týraly aqparat taraǵan bolatyn.
Osy jaǵdaıǵa baılanysty Air Astana áýe kompanııasynyń baspasóz qyzmeti túsinik berdi.
«9 tamyzda «Almaty-Tbılısı» baǵdary boıynsha KC139 reısin oryndaıtyn bort saǵat 20:30 kezinde ushyp, naızaǵa tústi degen kúdikpen qaıta oraldy. Ushaq shtattyq rejımde qondy. Zardap shekkender bolmady. Bortty aýystyrǵannan keıin, jolaýshylar saǵat 00:40-ta atalǵan baǵytta qaıta ushyp shyqty. Ushaqqa qatysty ınspektsııa júrgizilip, nazaǵaı túsý jaǵdaıy anyqtalmady. Osy oraıda áýe kemesi reısterde paıdalanýǵa jiberildi», - dep naqtylady baspasóz qyzmeti.
