Almaty Tájikstanmen yntymaqtastyqty kúsheıtedi

ALMATY. QazAqparat – Qala ákimi Baqytjan Saǵyntaev Almatydaǵy Tájikstannyń Bas konsýly Bahodýr Nazırdi qabyldady, olar saýda-ekonomıkalyq jáne ǵylymı-tehnıkalyq qatynastar perspektıvalaryn keńeıtý máselelerin talqylady, dep habarlaıdy QazAqparat tilshisi.

Baqytjan Saǵyntaev dıplomat kótergen máseleler qarastyrylatynyn jáne «Almaty» áleýmettik-kásipkerlik korporatsııa arqyly júzege asyrýǵa usynylatynyn atap ótti. Birikken jobalardy oryndaý úshin qalanyń kásipkerleri shaqyrylatyn bolady.

Kezdesý barysynda, Bahodýr Nazır basty baǵyttardyń biri retinde Almatyǵa aýylsharýashylyq ónimderin jetkizýdi qarastyrýdy usyndy.

Buǵan qosa, taraptar mádenıet salasynda da ózara is-qımyldyń qajet ekendigine nazar aýdardy. Almatylyq shyǵarmashylyq ujymdar Dýshanbede, al tájikter Almatyda óner kórsetetin boldy.