Almaty taýyndaǵy jer memleket menshigine qaıtaryldy

ALMATY. QazAqparat - Almaty mamandandyrylǵan aýdanaralyq ekonomıkalyq soty prokýratýranyń Alataýdaǵy 5 ga jaılaýdy memleket menshigine qaıtarý týraly aryzyn qanaǵattandyrdy, dep habarlaıdy Qazaqparat tilshisi.

Іs materıaldaryna sáıkes, Qarasaı aýdany ákiminiń sheshimimen Kazachka jaılaýyndaǵy 5  ga jer 2002 jyly «Inter Invest» JShS berilgen. Bul jerde sporttyq- saýyqtyrý kesheni salynýy kerek bolatyn.

 2015 jyly bul JShS jerdi «SPM Grupp» kompanııasyna satqan. Alaıda, jer Іle Alataýy ulttyq parkiniń terrıtorııasynda bolǵan soń erekshe qorǵalatyn tabıǵı aýmaqqa jatqyzyldy.

QR Erekshe qorǵalatyn tabıǵı aýmaqtar týraly zańynyń 5- babyna sáıkes mundaı terrıtorııalar memleket menshiginde bolýy tıis. Osy oraıda,  aýdan ákiminiń shyǵarǵan sheshimi zańsyz bolǵany belgili.

Munyń nátıjesinde  jasalǵan mámile men kelisim sharttardyń ádilet organdaryndaǵy tirkeýi de zańsyz bolyp tabylady. Ekonomıkalyq sot prokýratýranyń osy aryzyn qanaǵattandyrdy.