Almaty taýyndaǵy órttiń beti qaıtaryldy
«Almaty qalasynda tabıǵı órtti sóndirý jumystaryna kúshter men quraldardyń toptary joǵary dáreje boıynsha jumyldyrylǵan, órttiń taralýyn joıý boıynsha jumystar júrgizildi. Saǵat 17:53-te órttiń taralýyn toqtatýǵa qol jetkizildi», - dep habarlady vedomstvodan.
Oqıǵa ornynda «Qazavıaqutqarý» AQ-nyń eki tikushaǵymen 30 ret sý aǵyzyldy (90 tonna). Sondaı-aq, Almaty qalasy ákimdigi 109 qutqarý qyzmetiniń MI-8 MTV tikushaǵy kóterildi.
Oqıǵa ornynda TJD 62 jeke quram qyzmetkeri jáne 5 tehnıka, MUTP qyzmetkerleri – 42 adam órtti sóndirip jatyr.
Eske salaıyq, 7 mamyr kúni saǵat 23:52-de Almatynyń Medeý aýdany Іle-Alataý memlekettik ulttyq tabıǵı parkiniń fılıaly, Kishi Almaty ormanshylyǵynyń taý baýraıynda qurǵaq shóp pen qulaǵan aǵashtardyń tutanǵany anyqtaldy.
Otpen kúres kezinde órt sóndirýshi mert boldy. Taǵy bir qutqarýshy jaraqat aldy.