Almaty taýynda joǵalǵan er adamdy izdestirý toqtatyldy
ALMATY. QazAqparat – Almatyda alǵan jaraqatynan keıin óz betimen taýdan túse almaı qalǵan týrısti izdestirý toqtatyldy, dep habarlaıdy QazAqparat tilshisi.
Búgin Almaty qalalyq Qutqarý qyzmetiniń mamandary er adamdy izdestirý jumystaryn toqtatty. Ózge týrısterdiń sózinshe, ol aıaǵyn zaqymdap alyp, óz betinshe qozǵala almaǵan.
«Apattan qutqarý toby 7 qańtar kúni týrısterden alynǵan aqparatqa súıene otyryp, úsh kún boıy izdeý jumystaryn júrgizdi. Oqıǵa ornyna 5 adamnan turatyn jasaq jiberildi. Kókjaılaý shatqalyndaǵy taý joldarynyń barlyq boljaldy marshrýttary qaraldy. 10 qańtar kúni izdeý jumystaryn toqtatý týraly sheshim qabyldandy»,- dep habarlaıdy Almaty qalalyq Qutqarý qyzmetiniń baspasóz qyzmetinen.
Buǵan deıin, Kókjaılaý shatqalynda belgisiz er adam joǵalyp ketkeni týraly jazǵan bolatynbyz.
