Almaty taýynda joǵalǵan adam eki kúnnen beri tabylmaı jatyr

ALMATY. QazAqparat – QR Tótenshe jaǵdaılar mınıstrligi Respýblıkalyq qutqarý jasaǵynyń mamandary Almatydaǵy taýda joǵalǵan er adamdy eki táýlik boıy izdestirip jatyr, dep habarlaıdy QazAqparat tilshisi.

12 jeltoqsanda Respýblıkalyq jasaqtyń kezekshi pýltine 35 jastaǵy er adam Tıtov aýdany mańynda adasyp ketkeni týraly habar túsken.

«Ol kúndiz taýǵa shyǵyp, qaıtarda soqpaǵynan adasqan. Qarańǵy ári sýyq bolǵandyqtan óz betimen tómen túse almaǵan. Kınologııalyq top er adamdy izdeýge jolǵa shyqty. Aýa raıy qolaısyz bolǵanyna qaramastan, izdestirý jumysy túni boıy júrgizildi. 12-14 jeltoqsandaǵy izdestirýge 39 qutqarýshy, 5 kınologııalyq quram, 6 kólik jumyldyryldy», - dedi baspasóz qyzmetinen.

Búgingi tańda jasaq qutqarýshylary Qumbelsý ózeniniń boıymen joǵalǵan adamnyń sońǵy geollokatsııasyna bara jatyr.

Qutqarýshylar aýa raıynyń buzylǵanyna qaramastan izdestirýdi toqtatpady. Ázirge eshqandaı jańalyq joq.